Partizani i dha fund pritjes 26-vjeçare dhe pas fitores 2-1 në derbi përballë Tiranës, u shpallën kampionët e Shqipërisë. Pas vërshëllimes finale të gjyqtarit kryesor, festa në “Selman Stermasi” ishte e çmendur.
Tifozët e kuq u futën në fushën e lojës, lojtarët festuan së bashku me ta. Edhe stafi teknik dhe ai drejtues iu bashkuan festës së madhe. “Demat” janë kampionët e Shqipërisë dhe festa pas vërshëllimës finale, do të jetë vetëm fillimi i një feste shumë më të madhe në ditët në vijim.