Europiani fillon në datën 11 qershor dhe të gjitha kombëtaret europiane janë duke kryer fazën përgatitore. Trajneri i Francës, Didier Deschamps riktheu pas shumë vitesh sulmuesin e Realit të Madridit, Karim Benzema. 33 vjeçari kaloi një formë mjaft të mirë këte vit, çka e bindi trajnerin ta thërrasë për Euro 2020, pavarësisht skandalit të përfshirë disa vite më parë.
Rikthimi i Karim Benzema i ka dhënë frytet e veta. Në internet është shpërndarë një sekuencë e videos ku Benzema me një gjuajte potente e dërgoi topin në trekëndëshin e portës. Portieri nuk mund të bënte asgjë, paai goditja ishte perfekte. Mbappe mbeti i habitur nga aftësitë e shokut të tij të skuadrës, duke bërë një shikim të çuditshëm. /Elio Hajdari-Sport Ekspres/