Ernest Muçi ka pasur më në fund mundësinë për të treguar vlerat e tij me Legian e Varshavës. Trajneri është kritikuar shpesh nga mediat për mos aktivizimin e talentit shqiptar që u prit me shumë lëvdata, madje edhe duke u krahasuar me Leo Mesin. Këto kritika nuk kanë rënë në vesh të shurdhët dhe kreu i pankinës së skuadrës polake i ka dhënë 20-vjeçarit minutat e munguara.
Ernest Muçi është aktivizuar në minutën e 68 në takimin e sotëm kundër Krakovias të përfunduar me rezultatin 0-0, ku ka flirtuar edhe me golin. Kur kronometri shënonte minutën e 78, sulmuesi shqiptar lëshon të djathtën e tij, e cila devijohet nga lojtari kundërshtar dhe topi merr një trajektore krejt tjetër e më pas trondit traversën. Muçi i shkon kështu shumë pranë golit të parë me fanellën e Legias, por për të festuar i duhet të presë ende./Halit Delibashi-Sport Ekspres/
En esta acción uno de los muchos balones repelidos por @IvaanMaarqueez ?? ante el acoso ofensivo del Legia. Remate de Ernest Muçi y el andaluz que metía con eficacia la pierna, luego el balón se estrelló en el larguero#LEGCRA #Ekstraklasapic.twitter.com/Clhca0JOda
— Eugenio González Aguilera (@Eugeniogonza2) April 18, 2021