Roli i portierëve është tepër delikat, sepse nëse kryen pritje deçizive, ke kryer detyrën, ndërsa nëse gabon, të gjithë të kritikojnë dhe nuk e harrojnë gabimin e bërë. Diçka e tillë vazhdon të përndjekë ish-portierin e Liverpulit, Karius, i cili kreu dy gafa në finalen e Champions kundër Realit të Madridit.
Një episod i pakëndshëm i ka ndodhur dhe ish-portierit të Anglisë, Devid Simën, i cili mbahet mend për gafën në golin e Ronaldinjos, në ndeshjen çerekfinale të Botërorit të vitit 2002. Majkëll Ouen kalonte “Tre Luanët” në avantazh, ndërsa Rivaldo barazonte rezultatin në fundin e pjesës së parë.
Në pjesën e dytë ndodhte dhe episodi i veçantë, ku Ronaldinjo shkelmonte një goditje dënimi, duke shtangur Simën, i cili nuk e priste fare një goditje në portë.
Nga ai moment kanë kaluar 16 vite, por tifozët nuk përtojnë kurrë të ironizojnë me portierin, i cili u aktivizua për 13-të sezone me ekipin e Arsenalit. 55-vjeçari ka marrë pjesë në ceremoninë e ndarjes së çmimeve të FIFA-s, kur disa tifozë kanë filluar të brohorasin: “Ronaldinjo, Ronaldinjo!”.
Ish-portieri, i cili ka qenë i shoqëruar nga gruaja e tij, në fillim e ka marrë me sportivitet diçka të tillë, por nuk ka nguruar t’iu tregojë gishtin e mesit atyre, siç shihet dhe në video. Më pas ai ka shpërthyer në të qeshura, pavarësisht se nuk i pëlqen kur njerëzit i kujtojnë akoma një gabim, që ka ndodhur përpara 16 vitesh.
#MundialVintage ? Corea 2002
?? Brasil ? Inglaterra ?gbeng
? El día que Ronaldinho sorprendió a Seaman pic.twitter.com/ZNca5dZLoh— AS (@diarioas) June 15, 2018
“Ronaldinho! Ronaldinho!”
David Seaman was reminded of that 2002 World Cup moment by fans last night… ??https://t.co/RvsWzoRw10 pic.twitter.com/hPjgvkIh4o
— SPORTbible (@sportbible) September 25, 2018