Klubi i Teutës ka reaguar me anë të një postimi në faqen zyrtare në “Facebook” për një episod të ndodhur në ndeshjen e së shtunës, ku durrsakët u ndalën në një barazim 2-2 me Skënderbeun.
Rasti i kontestuar nga skuadra durrsake është një ndërhyrje e lojtarit të Skënderbeut Sibo ndaj futbollistit të Teutës Bubakar Traore. Vetëm pak sekonda pas këtij rasti Skënderbeu shënoi golin që çoi shifrat në 2-2.
Megjithatë, duhet përmendur se gjyqtari i takimit akordoi një penallti shumë të dyshimtë për Teutën në pjesën e parë për një prekje me dorë të topit nga ana e Marko Radas.