Tetova është veshur e gjitha kuqezi ditën e sotme. Skuadra e Shkëndijës fitoi përpara kohe titullin kampion pas fitores 3-1 kundër Borec. Një moment i tillë nuk mund të lihej pa u festuar me ata që janë pjesa më e rëndësishme e futbollit, tifozët. Këta të fundit nuk kanë munguar në stadium, ku janë grumbulluar për të ndezur atmosferën.
Lojtarët e Shkëdijës gjendeshin të ngjitur në pjesën e jashtme të stadiumit, ndërsa poshtë tyre ndodheshin tifozët e skuadrës. Kore, këngë dhe një atmosferë tejet e ngrohtë ka shoqëruar festën për titullin kampion në Tetovë. Vetë klubi ka shpërndarë pamje nga këto momente të veçanta me tifozerinë e tyre./Halit Delibashi-Sport Ekspres/