Partizani e nis sezonin e ri me një miqësore përballë ekipit slloven, NS Murës. Kjo ishte dhe ndeshje e parë e trajnerit italian, Franko Lerda në krye të “Demave”. Trajneri i ri hodhi në fushë formacionin më të mirë, duke mos kursyer asnjë titullar.
Bruno Telushi e nisi nga minuta e parë këtë sfidë dhe ishte pikërisht mesfushori i kuq ai që ishte protagonist në një moment tensioni. Edhe pse miqësore, Telushi nuk i kurseu aspak nervat dhe konfrontimin me kundërshtarin, i cili bëri lojë të rrezikshme me një takë të ngritur.