Shqipëria ka zhvilluar edhe seancën e fundit stërvitore para ndeshjes që do të ketë me Anglinë në Wembley. Tanimë grupi i Kombëtares është i plotë, pasi i është bashkuar edhe Armando Broja. Ky i fundit e priti në Londër të gjithë pjesën tjetër të Shqipërisë, ndërsa nuk duket të jetë ende gati për ta nisur si titullar.
Problemet nga dëmtimi po e kushtëzojnë ende Brojën, që gjithsesi do të ketë disa minuta në dispozicion kundër Anglisë. Gjithashtu në seancën stërvitore të publikuar nga FSHF shihet që sulmuesi po provohet edhe me disa goditje para Gentian Selmanit, për të rregulluar sa më tepër shënjestrën e tij. /Sport Ekspres/