Lacio arriti që të fitonte me shifrat 1-4 në transfertë ndaj Genoas. Në këtë takim ishte Thomas Strakosha që e nisi nga minuta e parë, ndërsa Elseid Hysaj gjendej në stol. Gardiani shqiptar bëri një ndeshje të nivelit të lartë duke mbajtur portën e paprekur më veçanërisht në pjesën e parë, për të mbajtur Lacion në lojë dhe për t’i shtruar rrugën drejt fitores.
Super pritja e Strakoshës do të vinte në minutën e 17. Pas një goditje me kokë të topit nga kundërshtari që ishte në distancë të afërt, portieri shqiptar shpalosi të gjitha reflekset e tij për t’i mohuar golin. Menjëherë do të vinte përgëzimi edhe nga shokët e skuadrës, teksa kjo pritje pasoi edhe disa të tjera në ditën positive të Strakoshës. /Sport Ekspres/