Fekir është një futbollist vërtet i madh, luan në mënyrë fantastike me fanellën e Betisit këtë sezon, por shpesh herë di të ekzagjerojë në marrëzitë e tij. Francezi me origjinë algjeriane ka marrë karton të kuq në duelin ndaj Athletic Bilbaos dhjetë minuta para përfundimit të ndeshjes, pas një lëvizjeje disi të pakuptueshme.
Fekir fillimisht mori një top dhe filloi me xhungulime në një moment që shumë e shohin si poshtërues dhe provokues ndaj rivalit. Pas kësaj, Fekir u përpoq të bënte një faull pasi u rrëzua nga De Marcos pas provokimeve të dukshme duke xhongluar. Teksa ishte shtrirë përtokë, i është afruar Iker Muniain, i cili është goditur me shkelm nga Fekir dhe gjyqtari Mateu Lahoz nuk ka nguruar dhe i ka dhënë kartonin e kuq. /Sport Ekspres/