Kristiano Ronaldo është paraqitur ditën e sotme në J Medical në Torino. Portugezi ka kryer aty kontrollet mjekësore para nisjes së sezonit, ndërkohë që tifozë të shumtë të Juventusit e kanë pritur sulmuesin me brohoritje.
Numri 7 i bardhezinjtë është përshëndetur me tifozët, disa prej të cilëve edhe i ka takuar dhe u ka dhënë autografe. Në videon e hedhur nga vetë klubi i Juventusit në “Twitter”, dëgjohen thirrjet e fansave, të cilët kanë një kërkesë: “Na sillni Champions-in”.
? @Cristiano is back! pic.twitter.com/ZBgzvox5iN
— JuventusFC (@juventusfc) July 13, 2019
Pas Kristiano Ronaldos ka mbërritur në J Medical edhe mesfushori Matuidi, i cili gjithashtu është pritur me entuziazëm nga tifozët. Juventusi po bëhet gati për sezonin e ri dhe shpresohet që me trajnerin Sarri të triumfojnë edhe në Europë, pasi në Itali zor të kenë rivalë edhe këtë sezon.
Ciao @MATUIDIBlaise ?? pic.twitter.com/BJxXfsQSIB
— JuventusFC (@juventusfc) July 13, 2019