Deja Vu! Pasi zgjodhi që të mos i shënonte Shqipërisë me fanellën e Zvicrës, Granit Xhaka përsërit të njëjtën situatë edhe me Kosovën. Zvicra ka luajtur dje në transfertë ndaj Kosovës, atje ku ndeshja është mbyllur me shifrat 2-2.
Goli i barazimit erdhi nga Vedat Muriqi në sekondën e fundit të ndeshjes, në aksionin e fundit. Por në atë moment vërtet për t’u mos humbur është reagimi i Granit Xhakës. Pavarësisht se mesfushori shqiptar kishte në dorë që të ndalonte dhe të ndërhynte për të prishur aksionin e golit, nuk e zgjodhi një gjë të tillë.
Ai qëndroi në vend, i palëvizur, megjithëse ishte rasti i fundit i takimit. Xhaka nuk lëvizi asnjë hap, madje në momentin e gjuajtjes u përkul me trup për të parë më mirë topin që po hynte në rrjetë. Një festë tërësisht e përmbajtur e Xhakës që Kosova i shënojë Zvicrës, por që mund t’i prish jo pak punë në vend helvet. /Sport Ekspres/