Lokomotiva e Zagrebit ka prekur fundin në Kroaci. Me largimin e Uzunit dhe Lirim Kastratit skuadra kryeqytetase ka humbur shkëlqimin në kampionat, aty ku mbyll tabelën e renditjes në vendin e 10. Një tjetër humbje e thellë ka ardhur ditën e sotme, aty ku Sibeniku e ka shkatërruar me shifrat 0-4 në transfertë.
Këtë herë Lokomotivën e shqiptarëve e ka nxjerrë nga “shinat“ një tjetër shqiptar. Bëhet fjalë për Emir Sahitin, i cili mban firmën e dy golave të parë për skuadrën e tij. Futbollisti i Kombëtares U21 të Shqipërisë po gëzon një formë mjaft të mirë në radhët e Sibenikut, ku nuk i kanë munguar golat këtë sezon./Halit Delibashi-Sport Ekspres/