Karim Benzema ishte rikthimi i bujshëm në Kombëtaren e Francës, që shumica e tifozëve mezi prisnin ta shihnin sërish në fushë me trikolorët. Sulmuesi francez ka zhvilluar një sezon të shkëlqyer me Realin e Madridit, ndërsa formën e mirë e ka shfaqur edhe në grumbullimin me “gjelat”. Benzema ka treguar saktësi të pagabueshme në stërvitje, ku ka impresionuar edhe Mbapenë me gjuajtjet e tij.
Por stërvitja dhe ndeshjet nuk janë e njëjta gjë. Franca është duke zhvilluar një takim miqësor me Uellsin dhe në minutën e 25 ka pasur mundësinë e një penalltie. Nga 11 metrat ai që shkon për të goditur topin është pikërisht Benzema, i cili dështon ta dërgojë sferën në rrjetë, duke mos pasur mundësinë të festojë golin e parë pas një periudhe 6-vjeçare mungesë në Kombëtaren e Francës./Halit Delibashi-Sport Ekspres/
https://twitter.com/ESPNFC/status/1400173755574493185