VIDEO/ Milano vishet kuqezi, Ibrahimoviç zgjon “djallin” dhe thyen Interin në derbin e Madoninës

0

Milano është pushtuar nga ngjyrat kuqezi mbrëmjen e sotme. Interi është thyer me shifrat 1-2, ndërsa derbi është vulosur që në pjesën e parë. Zllatan Ibrahimoviç tregon edhe njëherë tjetër peshën e tij në skuadër, pavarësisht moshës së tij 39-vjeçare.

Sulmuesi suedez ka zgjuar “djallin” që në minutën e 13 të ndeshjes, kur mposht Handanoviçin për herë të parë. Nga penalltia nuk do të tregohej i saktë, por topi u kthye sërish në këmbët e tij dhe nuk mund të gabonte sërish. Ndërkohë vetëm 3 minuta më vonë tund rrjetën sërish pas një pasimi nga Leao.

Nga ana tjetër Romelu Lukaku kundërpërgjigjet po në 45 minutat e parë të këtij derbi, duke e ndezur edhe më shumë atmosferën. Megjithatë goli i sulmuesit belg nuk do të shërbente për të ndryshuar fatin e takimit, pasi përballja më e rëndësishme në Serie A do të mbyllej me shifrat 1-2./Halit Delibashi-Sport Ekspres/

You might also like

Leave A Reply

Your email address will not be published.