Befasia më e madhe e ditës së sotme vjen nga La Liga dhe e ka emrin Kadiz. Skuadra spanjolle është ngjitur këtë sezon në elitën e futbollit, ku po rezulton një surprizë e vërtetë. Edhe pse përballë kishin kampionët në fuqi të Realit të Madridit dhe luanin në transfertë, Kadiz nuk është trembur aspak, duke triumfuar në sfidën e sotme.
Një gol që në minutën e 16 të ndeshjes nga këmbët e Lozano ka mjaftuar për të marrë 3 pikët në përballjen e sotme. Kadiz shkon kështu në kuotën e 10 pikëve dhe ndan kreun me gjigantët madrilenë së bashku me Granadan. Mbetet për t’u parë nëse kjo surprizë e bukur do të zgjasë gjatë apo është thjesht një flluskë që do të zhduket shpejt./Halit Delibashi-Sport Ekspres/
https://twitter.com/CocoVideos_/status/1317508317376368640