Ukraina është duke u ndeshur me Maqedoninë e Veriut, teksa të dy Kombëtaret i kanë humbur ndeshjet e para në grup. Pjesa e parë është mbyllur në shifrat 2-0 për përfaqësuesen që drejtohet nga Shevcenko. Golat janë realizuar nga Yarmolenko në minutën e 29 dhe Yaremchuk në të 34.
Ajo që dallohet lehtë në fushën e lojës përveç cilësive të lojtarëve të Ukrainës është edhe Europiani i parë i Maqedonisë së Veriut. Mungesa e eksperiencës në nivele të tilla ndikon ndjeshëm për t’i falur kundërshtarëve raste të shumta përpara portës, ndërsa shifrat mund të ishin edhe më të thella. /Sport Ekspres/