Florent Hadërgjonaj ka qenë i pafat mbrëmjen e sotme. Ankaraguçu është duke udhëhequr me shifrat minimale 1-0 kundër Kasimpasas dhe fajtor për këtë rezultat është pikërisht mbrojtësi shqiptar. Goli ka ardhur në minutën e 16 të takimit, atëherë kur futbollisti i përfaqësueses së Kosovës ngatërron portën dhe shënon autogol.
Hadërgjonaj ishte i pozicionuar mirë në zonë dhe në momentin kur të gjithë prisnin spastrimin e topin, mbrojtësi shqiptar e dërgon në rrjetën e tij. Fytyra e tij pas golit tregon dëshpërimin e ndjerë në ato momente, duke mbajtur barrën e një autogoli tërësisht të evitueshëm./Halit Delibashi-Sport Ekspres/