Franca bëhet e para Kombëtare që ka siguruar kualifikimin për në fazën me eliminim direkt. Ishte Mbape ai që bëri “gjelat“ të këndojnë. Sulmuesi francez zhbllokoi shifrat në minutën e 61-të, ku pati një kombinim mjaft të bukur me Hernandezin. Festa nuk zgjati për shumë kohë, pasi në minutën e 68 Kristensen kthen baraspeshën pas një goditjeje të saktë me kokë.
Francezët nuk dorëzohen dhe gjejnë përsëri rrugën e rrjetës në minutën e 86. Ishte sërish Mbape ai që dërgoi topin pas shpinës së Shmajkëllit. Grizman dërgoi një asist perfekt në zonë dhe Mbapesë nuk i mbetej gjë tjetër veçse të shtynte topin në rrjetë. Me këtë fitore Franca siguron kualifikimin, ndërsa Danimarka tashmë rrezikon seriozisht kalimin e grupit. Danezët do të përballen me Australinë në ndeshjen e fundit, ku vetëm fitorja do i dërgonte në fazën tjetër të kësaj Kupe Bote./Halit Delibashi-Sport Ekspres/
— Gols Copa 2022 (@golscopa2022) November 26, 2022