Xhanluixhi Bufon mbylli një sezon për t’u harruar në Ligue 1. Paraqitjet e legjendës italiane nuk kanë kënaqur aspak tifozët e PSG-së, të cilët në ndeshjen e fundit kundër Reims, e humbën totalisht besimin kundrejt ish-portierit të Juventusit, duke shpërthyer në rrjetet sociale.
Shkak u bë goli i parë i pësuar nga Bufon. Rahman Baba e ndëshkon në shtyllën e parë nga një kënd thuajse i pamundur. Ky gol, i shpërndarë shumë herë në rrjetet sociale, është shoqëruar me komente nga më ofendueset për legjendën e portës, por komenti më i lexuar ishte ky: “I dashur Bufon, lëre futbollin. Falëminderit!”
Chelsea loanee Baba Rahman scoring the opener for Reims against PSG from a ridiculously tight angle pic.twitter.com/lKgtBVMKw7
— GFFN Match Zone (@GFFNMatchZone) May 24, 2019