Kosova është përballur me Armeninë në një miqësore të luajtur në “Fadil Vokrri”. Armenët kanë kaluar të parët në avantazh, duke shënuar gol me anë të Shaghoyan-it në minutën e 24-t të takimit. Pjesa e parë e takimit ka përfunduar me shifrat 0-1, ndërsa në të dytën Kosova ka barazuar me Kastratin.
Ky i fundit ekzekuton me sukses një penallti në minutën e 67 dhe i dërgon shifrat përkohësisht në 1-1. Hovhannnisyan i jep sërish epërsinë Armenisë me golin e tij në minutë ne 82-të, por dardanët reagojnë përsëri. Kur po luhej minuta e tretë shtesë, Donat Rrudhani e dërgon topin në rrjetë pas një goditjeje nga jashtë zone dhe fikson shifrat përfundimtare në 2-2. Kujtojmë se Kosova në këtë miqësore luajti me emra të rinj në fushën e lojës./Halit Delibashi-Sport Ekspres/