Kthehet përsëri përralla Leiçester. Pas titullit kampion të fituar në vitin 2016, tashmë “dhelprat” shkruajnë përsëri historinë. Për herë të parë klubi anglez mbërrin deri në gjysmëfinale të një kompeticioni europian. Leiçesteri ka përmbysur në minutat e fundit PSV Eindhovenin, duke siguruar kështu biletën për në fazën tjetër pas fitores 1-2.
Holandezët kalojnë të parët në avantazh me anë të Zahavit, i cili tund rrjetën e ishullorëve në minutë ne 27. Kundërpërgjigja nga kampi kundërshtar ka ardhur në minutën e 77, atëherë kur Madison ka kthyer përsëri baraspeshën. Ndërkohë vetëm 2 minuta para se të mbyllej koha e rregullt ishte Pereira ai i cili shënoi golin e kualifikimit dhe shmangu shtesat. Leiçesteri shkon kështu një hap larg Tiranës dhe i duhet të presë për të mësuar cila do të jetë pengesa e radhës në rrugëtimin për në finalen e “Air Albanias”./Halit Delibashi-Sport Ekspres/
?? GOAL: Ricardo Pereira completes a comeback for Leicester City
(PSV 1-2 Leicester City) #UECL
— Wyngback Soccer ?? (@wyngback) April 14, 2022