Emanuele Ndoj ka qenë thejsht i papërmbajtshëm mbrëmjen e sotme. Futbollisti shqiptar ka qenë vendimtar në takimin mes dy ekipeve të sapo rëna nga Serie A. Breshia ka mposhtur me shifat 3-0 Leçen falë një dopiete të ardhur nga këmbët e mesfushorit kuqezi dhe një gol në minutën e 90 nga Aje. Nëse te i pari do e kishte më të lehtë ta dërgonte topin pas shpinës së portierit, në rastin e golit të dytë situata ishte ndryshe.
I rrethuar në nga 3 mbrojtës në brendësi të zonës së rreptësisë, Ndoj ia del sërish të tundë rrjetën kundërshtare. Mesfushori shqiptar dyfishon kështu shifrat në minutën e 67 dhe mposht i vetëm Leçen. Emanuele Ndoj tregon në këtë mënyrë se sa shumë i kishte munguar Breshias në Serie A, ku fati i keq e përndoqi dhe e la në hije për shkak të dëmtimeve që pësoi./Halit Delibashi-Sport Ekspres/