Napoli ka shtypur Xhenoan mbrëmjen e sotme, duke e mposhtur thellë me shifrat 6-0. Një goleadë kjo e skuadrës së udhëhequr nga Gatuzo, që tregon kështu forcën në kampionat, ku synon të kthehet në zonën e Champions League. Por në këtë festival golash bëhet protagonist edhe mbrojtësi shqiptar, Elseid Hysaj.
I gjendur mes dilemave për të ardhmen, ku është në udhëkryq mes rinovimit dhe largimit me klubin italian, shkodrani duket se i ka harruar çështjet e jashtme që në momentin kur shkel në fushë. Në minutën e 69, kur do të vinte goli i 5-të i takimit, Hysaj dhuron një asist për Elmas. Me një prekje të mrekullueshme e kthen topin pas, aty ku gjen shokun e tij të skaudrës, i cili më pas tund rrjetën e Xhenoas./Halit Delibashi-Sport Ekspres/