Hollanda i ka nisur llogaritë dhe kalkulimet përpara kohe. Kombëtarja e Van Gal arriti që të barazonte me shifrat 1-1 ndaj Ekuadorit. Tulipanët kaluan të parët në avantazh me anë të Gakpo në minutën e 7. Kjo rezultoi gjuajtja e parë dhe e vetme në portën e Ekuadorit.
Këta të fundit do të barazonin me golin e Enner Valencia në të 49. Ekuadori e kërkoi më tepër golin e fitores, pa ia arritur. Ndërkohë Hollanda duket e sigurt në turin tjetër, pavarësisht se nuk ka bindur. Tashmë ata presin Katarin në ndeshjen e fundit, ndërsa nëse do të humbisnin sot ndaj Ekuadorit, atëherë situata do të vështirësohej jo pak. /Elio Hajdari-Sport Ekspres/