VIDEO/ Gjendej në vendin e gabuar! Hakimi u vërshëllye në çdo top të prekur, izraelitët nuk e harruan

0

Lille ka luajtur ndaj PSG dhe e nisën në mënyrën më të mirë këtë sezon të ri pasi fituan Superkupën. Kjo e fundit ishte programuar që të luhej në Tel Aviv. Nga ana tjetër nuk ishte vendi më i mirë që Hakimi, blerja më e re e PSG, të niste këtë aventurë të re.

Presioni ishte i madh mbi futbollistin që është vërshëllyer thuajse në çdo rast kur binte në kontakt me topin. Kjo jo pa arsye pasi izraelitët nuk e kanë harruar. Në muajin maj kur pati agresion ndaj Palestinës, Hakimi ishte një prej lojtarëve që e shprehur hapur qëndrimin e tij mbi rastin në fjalë: “Palestina e lirë”.

Për këtë arsye edhe Izraeli nuk ishte aspak dashamirës me Hakimin. Sa i përket ndeshjes, humbja e PSG nuk mund të quhet edhe shumë surprizuese në një kohë kur i mungonin të gjithë yjet si Neymar, Di Maria, Sergio Ramos apo Mbape. /Sport Ekspres/

You might also like
Leave A Reply

Your email address will not be published.