E ardhmja e Xherdan Shaqirit duket të jetë Serie A. Largimi nga Liverpool shihet i pashmangshëm, me lojtarin që nuk dëshiron të pranojë edhe për një tjetër sezon stolin. Lacio ka shfaqur hapur interesin për sulmuesin shqiptar, të cilin Igli Tare e vëzhgon prej kohësh.
Por bardhekaltrit do të kenë konkurencë, teksa edhe dy klube të njohura italiane kanë hedhur sytë nga Xherdan Shaqiri. Napoli dhe Roma po shqyrtojnë profilin e futbollistit 29-vjeçar, që këtë muaj duhet të vendosë se çfarë drejtimi do i japë karrierës së tij./Halit Delibashi-Sport Ekspres/