Partizani ka zhvilluar miqësoren e dytë pas fitores me Murën. Këtë herë të kuqtë janë përballur me NK Dekanin, atje ku janë ndalur në barazimin 1-1. Valentino Murataj do të gjente golin e parë në minutën e 23 pas një aksioni model. Ndërkohë Alban Hoxha arriti të priste penalltinë vetëm katër minuta më vonë.
Në minutën e 51, Telushi kishte mundësinë për të thelluar shifrat, por gaboi pasi portieri e kuptoi idenë e panenkës së tij. Në minutën e 64 erdhi barazimi nga ana e NK Dekanit pas gabimit fatal në mbrojtje dhe te portieri i Partizanit. Më poshtë mund të ndiqni edhe pamjet e siguruara nga Neësport. /Sport Ekspres/