Everton mori tre pikë me rëndësi jetike në luftën për mbijetesë sot në Goodison Park. Skuadra e Frank Lampard fitoi 1-0 ndaj Chelseat, ndërsa golin e vetëm në këtë ndeshje e shënoi braziliani Richarlison.
Në fitore morën pjesë tifozët e Evertonit. Përveç mbështetjes së madhe për lojtarët, në fund njëri prej tyre shfrytëzoi rastin për t’ia fshehur topin Reece James dhe për të fituar disa sekonda më shumë.
Topi përfundoi në tribunë dhe tifozi vendosi të mos e kthejë me shpejtësi në lojë teksa e fshehu në bluze, ndërsa Reece James e humbi tërësisht orientimin me sferën. Për të arritur te fitorja shpeshherë duhet vëmendje maksimale dhe kontribut jo vetëm nga lojtarët në fushë. /Sport Ekspres/