Ernest Muçi ka marrë mbi supe i vetëm Legian e Varshavës mbrëmjen e sotme. Sulmuesi shqiptar është lojtari i momentit te skuadra polake, ku po vazhdon të shënojë çdo ndeshje. Ish-lojtari i Tiranës ka shkundur rrjetën dy herë këtë mbrëmje, duke i dhënë Legias fitoren 3-2 kundër Aston Vilës.
Muçi ka shënuar fillimisht në minutën e 26, ndërsa në të 51-tën i çoi shifrat në ato përfundimtare, 3-2. Një tjetër paraqitje fantastike e lojtarit të Kombëtares, e ardhmja e të cilit duket e destinuar për të qenë e ndritur./Halit Delibashi-Sport Ekspres/