Pak ditë më parë Reali i Madridit pësoi një eliminim të turpshëm nga Kupa e Mbretit. Një ekip i panjohur si Alkojano eliminoi gjigantët spanjollë nga ky kompeticion, duke shtangur madrilenët dhe gjithë opinionin sportiv. Por duket se ai eliminim ka zgjuar Realin. Edhe pse pa Zidanin në stol, këtë herë “los blancos“ nuk janë kursyer me gola në fushën e lojës.
Një super Karim Benzema dhe Eden Hazard i kanë dhënë “galaktikëve“ fitoren e thellë 1-4 kundër Alavesit. Sulmuesi francez ka shkëlqyer mbrëmjen e sotme me dopietën e tij, teksa ka shënuar një gol të mrekullueshëm në hyrje të zonës. Me këtë fitore Reali shkon në vendin e dytë në renditje, me vetëm 4 pikë më pak se Atletiko Madridi, por me këta të fundit që numërojnë dy ndeshje më pak./Halit Delibashi-Sport Ekspres/
https://twitter.com/DrTahha/status/1353081131676151808