Mançester Siti është një ndër klubet më të pasur në botë, është kthyer në një superfuqi në Angli, por në aspektin e tifozerisë nuk mund të krenohet, sepse shpesh ka vende bosh në stadiumin e vet, apo atmosfera në Etihad Stadium nuk është ndër më fantastiket në Europë.
Edhe para disa ditësh, në gjysmëfinalen e Kupës FA kundër Brajtonit në Wembley sektorët e caktuar për tifozët e Sitit ishin gjysmëbosh.
Pep Guardiola doli dje në konferencë për shtyp para Totenhemit dhe foli edhe për këtë çështje, duke kërkuar një stadium të ndezur, me 55 mijë ultras, për të ndihmuar skuadrën drejt suksesit.
A do të realizohet? Nuk i dihet, ndaj klubi ka marrë masa dhe ka bërë diçka qesharake: nga altoparlantët e stadiumit do të ushtojnë brohoritje tifozësh, të regjistruara, për ta mbajtur atmosferën perfekte për 90 minuta. Siti edhe zhurmën e tifozëve kërkon ta shpikë!
Apparently City will be playing crowd noise through the speakers tonight. This is the run through from earlier ? pic.twitter.com/dgGU1JY0m0
— mufcshirts (@mufcshirts) April 17, 2019