Një episod i pabesueshëm ka ndodhur në një ndeshje basketbolli në Amerikë. Basketbollisti i Universitetit të Tousonit, Solomon Ujaelunmo, ka habitur të gjithë me çmendurinë e tij, teksa ka zhytur topin në koshin e skuadrës së tij.
Shokët e ekipit nuk u besuan syve kur panë se çfarë bëri kolegu, ndërsa vetë “protagonisti” nuk u duk se e vrau shumë mendjen. Ku i dihet, ndoshta koshi ishte një dhuratë krishtlindje për ekipin kundërshtar, të cilët fituan takimin me rezultatin e përgjithshëm 57 – 51.