Partizani bën afrimin e fundit në merkato. Klubi i kuq ka afruar edhe një mesfushor qendre dhe kështu trajneri Gega e ka të plotë ekipin për vazhdimin e sezonit dhe për fitimin e titullit kampion.
“Tijan Jaiteh firmos me Partizanin. Klubi njofton arritjen e marrëveshjes me Tijan Jaiteh. Mesfushori nga Gambia është një tjetër përforcim i të kuqve, pasi ka firmosur kontratën me drejtuesit për një vit e gjysëm. Jaiteh regjistron eksperienca të suksesshme pasi ka qenë pjesë e ekipeve Brann( Norvegji) , Randers(Danimarkë) , Koper(Slloveni) , KuPS(Finlandë) dhe Bnei Yehuda(Izrael). Së fundmi ai është aktivizuar në radhët e skuadrës Al Markhiya në Katar. Jaiteh pjestar edhe i ekipit përfaqësues të Gambias, pritet t’i bashkohet ekipit në ditët e ardhshme”, njofton klubi i kuq.
