Sulmuesi shqiptar Liridon Krasniqi ka bërë një debutim ëndrrash me ekipin e Meleka Junajtid në ndeshjen hapëse të kampionatit malajzian. Futbollisti 27-vjeçar zhbllokoi takimin me një gol akrobatik, ndërsa më pas dha asistin e golit të dytë, duke qenë kështu protagonist në të dy golat e takimit që përfundoi me shifrat 2 – 1.
https://www.instagram.com/p/BtY9allnJm-/?utm_source=ig_web_copy_link
Krasniqi luan prej më më shumë se tre vitesh në Malajzi, ku në tri sezonet e mëparshme është aktivizuar te Kedah. Sulmuesi shtatlartë është aktivizuar në të shkuarën me Shpresat e Shqipërisë, ndërsa ka mbi shpinë dhe tre paraqitje në sfida miqësore me përfaqësuesen e Kosovës.