Çelsi është ringjallur pas humbjes së finales së “Carabao Cup” ndaj Sitit, ku ka triumfuar në derbi ndaj Totenhemit pastër me shifrat 2-0. Fitore gjithashtu dhe për Mançester Junajtid, të cilët triumfuan me shfrat 1-3 në fushën e Kristal Palas.
Pjesa e parë në “Stamford Bridge” u mbyll në barazim pa gola, ndërsa në fraksionin e dytë, ishte Pedro, i cili kaloi në avantazh Çelsin në minutën e 57-të.
Në minutën e 85-të, një gafë në mbrojtje e “gjelave” solli dhe golin e dytë, me Kiran Tripier, i cili në mënyrë të pafat shënoi në portën e tij.
Ndeshja nisi e ekuilibruar, me një Mançester të kujdesshëm. Në minutën e 33-të erdhi dhe goli i parë i sfidës, ku Romelo Lukaku kaloi në avantazh “djajtë e kuq”, me rezultatin që ishte i tillë deri në fundin e pjesës së parë.
Në fraksionin e dytë, ishte përsëri gjiganti i sulmit të Junajtid, i cili shënoi pas vetëm shtatë minutave, duke dyfishuar shifrat, pas një pasimi nga Lindelof.
Në minutë e 66-të ishte Uord, i cili rihapi takimin, duke çuar shifrat në 1-2. Vendasit këmbëngulën në kërkim të barazimit, por Mançesteri arriti të rezistonte.
Në minutë e 83-të, mendoi Eshli Jang për të siguruar fitoren, teksa pas pasimit të Pogba shënoi golin e tretë.