Javët e fundit nuk kanë qenë të mira për Barcelonën. Katalanasit kanë zhgënjyer në gupet e Champions League-s dhe në “el classico”-n e luajtur së fundmi kundër Realit të Madridit. Ekipi blaugrana ka reaguar mbrëmjen e sotme, teksa shfryn “inatin” e grumbulluar kundër Villareal-it.
Barcelonës i ka mjaftuar vetëm një pjesë loje për të mbyllur historinë e duelit me nëndetësen e verdhë. Ndeshja përfundoi me rezultatin 3-0, ku protagonist kryesor ishte Robert Lewandowski. Sulmuesi polak realizoi një dopietë këtë mbrëmje, duke tundur rrjetën në minutën e 31-të dhe të 35-të, me këtë të fundit që ishte mahnitës. Ndërkohë në minutën e 39 rrugën e rrjetës e gjen edhe talenti i ri, Ansu Fati./Halit Delibashi-Sport Ekspres/
Lewandowski, what a goal. what a pass from Pedri??
— Yanks (@Yanks_Uchiha) October 20, 2022