Cristiano Ronaldo është dënuar nga klubi i Manchester United-it. Portugezi nuk do të grumbullohet për sfidën e fundjavës kundër Chelsea-t. Shkak është bërë vetë sjellja e tij. Sulmuesi 5 herë fiutes i Topit të Artë u largua përpara kohe drejt dhomave të zhveshjes në ndeshjen e mbrëmshme kundër Tottenham-it, çka nuk është pritur aspak mirë nga klubi anglez. Ronaldo ka bërë një reagim përmes llogarisë së tij zyrtare në “Facebook”, ku në një farë mënyre bën autokritikë për gabimin e tij.
“Siç kam bërë gjithmonë gjatë karrierës sime, përpiqem të jetoj dhe të luaj me respekt ndaj kolegëve, kundërshtarëve dhe trajnerëve të mi. Kjo nuk ka ndryshuar. nuk kam ndryshuar. Unë jam i njëjti person dhe i njëjti profesionist që kam luajtur për 20 vitet e fundit duke luajtur futboll elitar dhe respekti ka luajtur gjithmonë një rol shumë të rëndësishëm në procesin tim të vendimmarrjes. Fillova shumë i ri, shembujt e lojtarëve më të vjetër dhe më me përvojë ishin gjithmonë shumë të rëndësishëm për mua. Prandaj, më vonë, gjithmonë jam përpjekur të jap vetë shembullin për të rinjtë që u rritën në të gjitha skuadrat që kam përfaqësuar.
Fatkeqësisht kjo nuk është gjithmonë e mundur dhe ndonjëherë nxehtësia e momentit merr më të mirën nga ne. Tani për tani, thjesht ndjej se duhet të vazhdoj të punoj shumë në Carrington, të mbështes bashkëlojtarët e mi dhe të jem gati për gjithçka në çdo lojë të caktuar. Të dorëzohesh ndaj presionit nuk është një opsion. Nuk ka qenë kurrë. Ky është Manchester United dhe ne duhet të qëndrojmë të bashkuar. Së shpejti do të jemi sërish bashkë”, ka shkruar Cristiano Ronaldo në reagimin e tij./Halit Delibashi-Sport Ekspres/