Atalanta-Bolonja është sfida që mbyll javën e 30-të të Serie A. Një ndeshje delikate për të dyja ekipet, pasi vendasit kërkojnë të përfitojnë nga ndalesat e Milanit dhe Lacios për t’u afruar me zonën Champions, ndërsa miqtë, kërkojnë pikët pasi ndodhen në zonën e ftohtë.
Gjithsesi, ndeshja ka nisur dhe është mbyllur brenda 15 minutave. Atalanta dukej krejtësisht e çmendur dhe një uragan në fushë. Katër gola brenda çerek orëshit të parë. Dy herë Iliçiç në minutat 3 dhe 5 dhe më pas Hateboer dhe Duvan Zapata.
Shpërfytyrim për Bolonjën, me bergamaskët që duken tmerrësisht të frikshëm në këtë sprint final të sezonit.