Anglia fiton me rezultatin 1-0, duke u kualifikuar si kokë grupi në fazën 1/8 të Uefa Euro 2020. Goli i vetëm u shënua nga Sterling në minutën e 12-të, pas sulmeve të vazhdueshme të britanikëve. Pas këtij momenti loja u bë mjaft monotone, teksa në pjesën e dytë Anglia nuk regjistroi asnjë goditje në portë, ndërsa Çekia vetëm një të tillë.
Pas fitores së Kroacisë, tashmë Çekia renditet në vendin e tretë në grup, në kuotën e 4 pikëve dhe do të kualifikohet si një nga të tretat më të mira. Ndërkohë që Anglia tregoi se nuk bën llogari për fazën e ardhshme dhe shkon pa frikë në 1/8-at, pavarëisht se tashmë përballë do të ketë një prej skuadrave të grupit të “ferrit” ku gjendet Franca, Portugalia, Gjermania dhe Hungaria./Elio Hajdari-Sport Ekspres/