Një aksident i frikshmë ka ndodhur në garën e Monzës në Itali gjatë provave të lira në Formula 1. Piloti suedez i Alfa Romeo Sauber, Markus Erikson, është përplasur me 350 km/h, por fatmirësisht ka shpëtuar mirë. Momente paniku, kur skuderia fliste në radio me shpresën e një përgjigje nga Erikson.
Ky i fundit është përgjigjur në gjuhën e tij duke konfirmuar: “Nuk e di çfarë ndodhi, por jam mirë”. Çlirim për të gjithë dhe lojtari dërgohet për një kontroll në spital, por suedezi, i cili feston pasnesër 28-vjetorin e lindjes, ia ka hedhur vetëm me disa dëmtime trupore.