“Varemi prej vetes sonë”, Bardhi e ka të qartë: Po mendove në këtë mënyrë goli nuk ikën prej teje

0

Enis Bardhi është një prej lojtarëve kyç të Maqedonisë së Veriut. Mesfushori shqiptar po shijon për të parën herë në karrierën e tij një kompeticion madhor si Kampionati Europian. Aftësitë e tij janë dëshmuar te Levante dhe fqinjët lindorë varen shumë prej këmbëve të tij. Në një prononcim për “Supersport”, Bardhi rrëfehet më gjatë rreth kësaj eksperience në Euro 2020.

“Ishte ndeshje me shumë emocion. Kemi qenë debutues në këtë Europian. Normalisht që emocionet, euforia dhe gjithçka kishte rolin e vetë. Ishte ndeshje pak e rëndë, fizike dhe me shumë duele. Në fund jemi të kënaqur. Pavarëisht rezultatit, besoj që kemi bërë ndeshje mjaft të mirë. Austria ishte ekip shumë i fortë fizikisht. Në 10-20 minutat e fundit fiziku na mungoi pak dhe përqendrimi humb normalisht në momentin që lodhesh. Besoj që në Europian nuk ka ndeshje të lehtë.

Nuk ka kundërshtar që mund ta nënvlerësosh ose të thuash që kemi mundësi për fitore. Në çdo ndeshje duhet të jemi 100% të përqendruar dhe të fokusohemi në lojën tonë. Ne varemi vetëm prej vetes sonë. Ditën që kemi ndeshjen të japim maksimumin dhe gjithçka nga vetja. Ta shijojmë cdo moment që jemi në lojë.

Sa e dua një gol në Europian? Nuk fokusohem shumë në këtë aspekt. Ekipi është gjithmonë përpara gjërave individuale. Nëse mendon në këtë mënyrë goli do të vijë, nuk do të iki prej teje. Kështu që ekipi është më e rëndësishmja. Shpresoj të marrim sa më shumë pikë, ajo është gjithçka për mua“, ka thënë Enis Bardhi./Halit Delibashi-Sport Ekspres/

You might also like
Leave A Reply

Your email address will not be published.