Fakaj ka komentuar ecurinë e Myrto Uzunit në ekipin tonë kombëtar. Pjesë e panelit të emisionit “Kuq e Zi”, që transmetohet në “Supersport“, Fakaj është shprehur se ka diferenca mes paraqitjes në Kombëtare dhe asaj te Granada. Sipas tij, kjo vjen për faktin se Uzuni ndjen një përgjegjësi më të madhe me fanellën kuqezi.
“Uzunin e shikojmë me diferenca mes ekipit kombëtar dhe ekipit ku luan. Mendoj që është një farë ngërçi. Kanë përgjegjësi më të mëdha kur vijnë luajnë këtu. Unë them që duhet të jenë më të çlirët kur vijnë këtu dhe do të jetë më mirë për ta”, ka thënë Fakaj./Sport Ekspres/