Mauro Ikardi është pa diskutim një prej sulmuesve që ccdo ekip do e donte në skuadër. Argjentinasi është një lider te zikaltrit, por situata nuk është më e mira e mundshme në Milano, sidomos pas eliminimit nga Championsi. Në jo pak raste emri i tij është lakuar nga skuadrat be tjera, por të ardhmen e tij në dorë e ka vetëm menaxherja dhe njëkohësisht bashkëshortja e tij Uanda Nara.
Kjo e fundit, ka zbuluar në një farë mënyre dhe të ardhmen e sulmuesit, pasi përmes një postimi në “twitter” ka treguar se edhe pse është një orë e vonë, ajo po lexon detajet e kontratës. Një lojë nga Uanda? Nuk i dihet, por është e sigurt se në Milano nuk duna që të largohet një lojtar si ai.
Interi është në një moment mjaft të vështirë, për shkak se skuadra nuk po merr rezultatet e pritura dhe eliminimi nga Champions i ka irrituar disi tifozët. Gjithsesi, rinovimi me kapitenin duket se mund të jetë ilaçi më i mirë për të rikthyer disi qetësinë në kampin zikaltër.
Sono le 00.30 ed io ancora qua a leggere le pagine del rinnovo ? @MauroIcardi
— wan (@wanditanara) December 14, 2018