Cesc Fabregas i ka bërë përshkrimin perfekt ndeshjes së parë mes Italisë dhe Turqisë. Lojtarët e drejtuar nga Mancini fituan në shifrat 3-0 duke e dominuar kundërshtarin në gjithë ndeshjen, për t’i hequr kontaktin me topin dhe rastet përpara portës së Donarumës. Figura e njohur e futbollit që ka fituar Europianin me Spanjës ka bërë përshkrimin ideal mbi këtë përballje të parë në “BBC”.
“Jam shumë i impresionuar, Italia bëri atë që duhej edhe në pjesën e dytë. Ata vazhdonin e vazhdonin që të luanin shpejt, të lëviznin shpejt, të bënin vrapime të thella. Turqia nuk mund të mbante topin. Nuk e kishte në zotërim as për 10 sekonda se Itali “të hante të gjallë”. Vrapimet e vogla që bëri Imobile ishin fantastike, Jorginho dhe Barella ishin të shkëlqyeshëm gjithashtu. Fitore e merituar”, ka thënë Fabregas. /Sport Ekspres/