Në ndeshjen Shqipëri-Angli, legjenda Gary Neville kritikoi lojtarët anglezë për faktin se asnjë prej tyre nuk postonte vet në rrjete sociale. Statuset në “Tëitter” të ishullorëve ishin copy-paste të njëra tjerës, çka tregon se llogaritë e tyre menaxhohen nga persona të dedikuar për mediat sociale. Duket se kjo traditë vazhdon të jetë prezente tek futbollistët anglezë.
Pas fitores me Dortmundin, në llogarinë e Foden u publikua një status ku shkruhej: “Mbappé, a jeni gati?”. Ky postim bëri bujë në rrjete sociale, teksa komentuesit ishin mjaft të ashpër me faktin që vetëm pas 4 vitesh skuadra e Guardiolës arriti të kualifikohej në gjysmëfinale. Postimi u fshi në vetëm pak minuta, sipas urdhërit të Foden tek stafi i tij i rrjete sociale.
Ndërkohë Gary Neville do t’i kthehej edhe njëherë historisë: “E përmenda disa javë më parë që lojtarët kanë rrjetet sociale që menaxhohen nga kompanitë. Në fund të fundit është zëri yt, nuk është zëri i të tjerëve. Duhet të jetë autentike”. /Sport Ekspres/