Tirana… Tirana e madhe është në një moment kritik të historisë së saj. Klubi bardheblu sapo u kthye nga Kategoria e Parë, një ferr që e kaloi shpejt, por me kalimi në Superiore nuk do të thotë se kryeqytetasit kanë hequr njollën e madhe.
Trajneri Ze Maria është njeriu i duhur për drejtimin e 24 herë kampionëve të vendit. Nuk flitet për cilësi dhe aftësi profesionale si trajner duke “sulmuar” produktin vendas, por një i huaj nuk e ndjen presionin dhe nuk e di mirë historinë e futbollit shqiptar.
Ai së bashku me lojtarët duhet të lajnë 3 “mëkate” që i kanë të mbartura nga vitet e kaluara. Fillimisht, Tirana duhet të luftoj për kampionat dhe të kapë Kupat e Europës. Së dyti, bardheblutë duhet të fitojnë derbin që i mungon prej vitesh dhe më e vështira, duhen bërë “paqe” me tifozët. Nëse arrihet diçka e tillë, atëherë Ze Maria e plotëson misionin e tij.