Shpesh trajnerët e ekipeve nëpër Europë ankohen për lodhjen që ekipet e tyre kanë nga udhëtimet e gjata me avionë. Por, në Rusi transfertat me distanca që i kalojnë 1000 ose 2000 kilometra janë diçka krejt normale.
Këtë fundjavë në divizionin e dytë rus është vendosur një rekord për sa i përket transfertës më të gjatë. Ekipi i Vladivostokut, qytet që ndodhet në afërsi me kufirin e Rusisë me Korenë e Veriut, udhëtoi plot 10000 kilometra drejt kaukazeve, ku u ndesh me skuadrën e Soçit. Pavarësisht distancës së përshkruar, skuadra arriti të merrte një pikë të vlefshme, pasi ndeshja mbaroi 2-2.
