Moldavia realizoi surprizën më të madhe në grupin tonë pasi përmbysi Poloninë nga 0-2 në 3-2. Teksa i rikthehet asaj ndeshje, Santos shprehet se e di ku është gabuar, por nuk dëshiron të zbulojë detaje në publik. Trajneri i Polonisë paralajmëron edhe Shqipërinë duke thënë se vendi i Kombëtares së tij është tek dy të parat e grupit.
“Para së gjithash, na mungojnë rezultatet. Vlejmë më shumë se tre pikë nga tre ndeshje kualifikuese për EURO 2024, ne vlejmë më shumë se pozicioni ynë aktual. Ne do ta vërtetojmë atë. Nuk kam asnjë dyshim se do të mund të dalim nga ky moment i vështirë”, tha Santos. /Elio Hajdari-Sport Ekspres/