Tirana i falet sërish talentit të Ernest Muçit, bardheblutë ngecin kundër Kastriotit

0

Është mbyllur miqësorja e sotme mes Tiranës dhe Kastriotit. Kampionët në fuqi kanë ngecur kundër krutanëve, teksa kanë ndarë barazimin me skuadrën e sapo ngjitur në Kategorinë Superiore. Madje të parët që kaluan në avantazh ishin pikërisht krutanët. Pjesa e parë e takimit nuk rezervoi gola, me portierët që i ruajtën portat e tyre të paprekura.

Ndërkohë e kundërta ndodhi në fraksionin e dytë të lojës. Pak minuta pas fillimit të 45 minutave të dyta, Bardhi fiton duelin e shpejtësisë me Guamfi dhe kalon në epërsi Kastriotin. Megjithatë edhe kundërpërgjigja bardheblu do të vinte. Në minutën e 74-t, Tirana i falet talentit të Ernest Muçit, i cili vendos baraspeshën dhe shpëton skuadrën nga humbja./Halit Delibashi-Sport Ekspres/

You might also like

Leave A Reply

Your email address will not be published.